Hamasi shpalli armëpushim
Hamasi dhe Xhihadi Islamik shpallën armëpushim
Hamasi dhe aleatët e saj kërkuan që forcat izraelite t'i tërheqin trupat e tyre brenda një jave nga Rripi i Gazës.
E diel, 18 Janar 2009 14:28


Zyrtarë të lartë të Hamasit bënë të ditur se të dielën kanë shpallur armëpushim të menjëhershëm dhe se i kanë dhënë një javë forcave izraelite të tërhiqen nga rajoni.

Njoftimi për armëpushim erdhi nga zyrtari i Hamasit, Ayman Taha, i cili ndodhet në Kajro për bisedime me Egjiptin rreth marrëveshjes për armëpushim.

Këtij armëpushimi i është bashkangjitur edhe Xhihadi Islamik.

Hamasi po ashtu ka kërkuar që Izraeli t'i hapë të gjitha kalimet kufitare me Gazën me qëllim të depërtimit të artikujve të nevojshëm për popullin e Gazës.

Të shtunën Hamasi kishte bërë të njohur se nuk do ta pranojë armëpushimin e njëanshëm të Izraelit dhe se do të vazhdojë me sulme raketore. Të dielën u hodhën disa granata dhe raketa kundër vendbanimeve izraelite, me ç'rast një grua ishte plagosur.

"Në takim me grupet e ndryshme rezistuese, është vendosur që gradualisht të bie numri i raketave të hedhura deri në ndalimin e tërësishëm. Kjo mund të ndodh brenda pak ditësh, bile edhe brenda pak orësh. Hedhja e raketave ka për qëllim dërgimin e mesazhit se ne jemi ata që vendosim për armëpushim e jo disa vendime njëanshme në Izrael", u deklaruan pjesëtarët e Hamasit.

Grupet e rezistencës palestineze u deklaruan se rreth 100 luftëtarë të tyre kanë rënë dëshmorë gjatë luftimeve tre javësh në Gaza.
Advertisement
 
Komente
 
Linqe
 
Kurani Fisnik - Shkarko!

Rijjadus-Salihin - Shkarko

Falja e namazit

Dëgjo Kuran online

Kuizi Islam
 
Numri i vizitoreve 270739 visitors (1065175 hits) klikime.=>
=> Do you also want a homepage for free? Then click here! <=