Televizioni izraelit raportoi se në jug të vendit kanë ndodhur sërish sulme me raketa nga ana e pjesëtarëve të rezistencës së Hamasit, përkundër armëpushimit të njëanshëm të shpallur nga ana e Izraelit.

Izraeli ka zbatuar armëpushimin e njëanshëm në qytetin e Gazës pasi shpalli fitoren e ofensivës 22 ditëshe kundër lëvizjes Hamas. Raportohet se situata në Gaza sot ishte e qetë. Izraeli ka thënë se në keto kushte do të ndaloj sulmet mirëpo trupat tokësore do të mbesin në Gaza.

Gjatë një adresimi televiziv kryeministri Ehud Olmert tha se qëllimet e Izraelit janë arritur gjatë ofensivës e cila, sipas tij, e ka lënë Hamasin të shkatërruar shumë keq.

Hamasi ka thënë se nuk e njeh armëpushimin e njëanshëm dhe se do të vazhdojë rezistencën derisa të largohen trupat izraelite.

Mirëpo kryeministri izraelit ka bërë të ditur se luftimet mund të vazhdojnë nëse Hamasi vazhdon të godas Izraelin me raketa.